Macron bisedë me Putin, kërkon armëpushim

Presidenti francez Emmanuel Macron ka biseduar sot me presidentin rus Vladimir Putin dhe ka përsëritur thirrjet ndërkombëtare që t’i jepet fund sulmeve ndaj Ukrainës.

Macron ka theksuar nevojën e një armëpushimi të menjëhershëm.

Avec le Président Zelensky, nos échanges sont constants. Je veux saluer le sens des responsabilités dont il fait preuve. À la demande de ce dernier et compte tenu de la situation humanitaire, j’ai appelé le Président Poutine.

— Emmanuel Macron (@EmmanuelMacron) February 28, 2022

Sipas Kremlinit, Putini kërkoi njohjen e Krimesë si territor rus, “denazifikimin” e qeverisë ukrainase dhe një “status neutral” për Kievin si parakusht për përfundimin e pushtimit rus.

Presidenca franceze ka thënë se Macron i ka kërkuar liderit rus që të ndalë të gjitha sulmet kundër civilëve dhe ndërtesave, të ruajë infrastrukturën civile dhe të garantojë sigurinë në rrugët kryesore.

Putin ka konfirmuar gatishmërinë e tij ndaj këtyre kërkesave, është thënë në deklaratë.

Macron i ka kërkuar homologut rus që të vazhdojnë bisedimet në ditët në vijim për të parandaluar përshkallëzimin e luftës. Sipas njoftimit të presidencës franceze, palët janë pajtuar në këtë pikë.

LEXONI GJITHASHTU: 

• Përditësime LIVE 28 shkurt: Përfundojnë bisedimet Ukrainë-Rusi