Macron dhe Putin bien dakord të ‘intensifikojnë’ diplomacinë

Emmanuel Macron dhe Vladimir Putin kanë rënë dakord të “intensifikojnë” përpjekjet diplomatike për të zgjidhur krizën në Ukrainë, thanë Franca dhe Rusia të dielën pas një telefonate midis dy presidentëve.

Kremlini tha se udhëheqësi rus fajësoi “provokimet” e Ukrainës për tensionet në lindje të vendit dhe kërkoi që Perëndimi të marrë “seriozisht” kërkesat e Moskës.

Pallati Elysée e kishte përshkruar më parë bisedën me Putinin si një përpjekje diplomatike të minutës së fundit për të shmangur një pushtim rus të Ukrainës.

Macron foli gjithashtu me presidentin e Ukrainës Voldymyr Zelenskyy, i cili tha në Twitter se po bënte thirrje për një armëpushim “të menjëhershëm” në lindje dhe një rifillim të bisedimeve të ndërmjetësuara nga OSBE me Rusinë.

Kjo thirrje e kryeministrit ukrainas vjen pasi tensionet kanë arritur pikën e tyre më të lartë në disa vite në lindje të Ukrainës.

Gjatë fundjavës është përforcuar frika në Perëndim se Rusia mund të kërkojë një pretekst për të pushtuar fqinjin e saj.

LEXONI GJITHASHTU:

Çfarë mendojnë qytetarët ukrainas për luftën?