Macron letër Vuçiç, dialogu Beograd-Prishtinë një nga temat

Një moment shumë interesant është edhe një letër që presidenti i Francës Emanuel Macron, së fundmi i ka dërguar homologut të tij serb. Letra është çuar me rastin e festës kombëtare të Republikës së Serbisë dhe është pasqyruar nga mediat serbe. Macron e ka hapur letrën pikërisht duke e uruar Aleksandër Vuçiç për ditën kombëtare të Republikës serbe, si dhe riafirmon vullnetin e përbashkët për të thelluar më tej marrëdhëniet tona dypalëshe.

Por në këtë letër nuk ka ngelur pa u përmendur edhe marrëdhënia me Republikën e Kosovës ku presidenti francez ka nënvuar se ‘mbetet i vendosur të mbështesë përpjekjet në lidhje me dialogun midis Beogradit dhe Prishtinës.

Nga ana tjetër, Albin Kurti kreu i LVV në Kosovë, pas fitores në zgjedhjet parlamentare të 14 shkurtit ka pasqyruar tek mediat se çfarë mendon lidhur me raportin Kosovë-Serbi.

 “Barazia nuk mund të jetë rezultati përfundimtar i dialogut me Serbinë, duhet të jetë pika fillestare. Ne duhet të diskutojmë me Serbinë sinqerisht, hapur, seriozisht, ndërsa qytetarët duhet të jenë përfituesit përfundimtarë.”- është shprehur nga ana tjetër Albin Kurti, kreu i LVV.