Macron takon ushtarët ukrainas, shteti i vetëm që i stërvit në territorin e vet

Për herë të parë, presidenti Emmanuel Macron u takua me ushtarët ukrainas që po stërviten në territorin francez.

Në bazën e fshehtë ushtarake në lindje të Francës, çdo gjë është bërë në përputhje me kushtet e fushës së betejës, si këto llogore që janë gërmuar posaçërisht për stërvitje.

Personelit ushtarak francez iu desh të përshtatej me nevojat e ushtrisë ukrainase në luftën e tyre kundër pushtuesit rus.

“Një kërcënim specifik që duhet të marrim parasysh gjatë stërvitjes janë dronët. Na u desh të përshtateshim ndaj këtij kërcënimi kur gërmuam llogoret dhe alternuam kamuflazhin”, u shpreh një ushtare grua.

Në 2 muajt e ardhshëm, 2.300 ushtarë ukrainas do të stërviten në këtë kamp. Shumica e tyre janë rekrutë të rinj që nuk kanë mbaruar as trajnimin bazik.

“Ata u stërvitën për pak javë në Ukrainë para se të vinin në Francë. Ne po u mësojmë ekspertizën dhe taktikat tona. Po e bëjmë këtë në partneritet, si një shkëmbim dijesh”, tha një ushtar.

Franca është vendi i parë që stërvit një brigadë të tërë ukrainase në territorin e saj. Vizita u krye përpara vizitës së presidentit ukrainas Volodymyr Zelensky në Paris, për bisedime kokë më kokë me Macron.

LEXONI GJITHASHTU:

• Macron kërkon që të ndalen dërgesat me armë për Izraelin
• Macron kërkon reformimin e OKB-së: Të zgjerohet Këshilli i Sigurimit