‘Made in Albania’ në tregjet e BE-së, fermerët do eksportojnë produktet e tyre pa doganë deri në 2025

Delegacioni i Bashkimi Europian në Tiranë nëpërmjet një postimi në Twitter ka njoftuar se do të vazhdojë të mbështesë fermerët shqiptarë, të cilët do të jenë gjendje të eksportojnë produktet e tyre në vendet e BE-së pa taksa doganore deri në vitin 2025.

“Bashkimi Europian vazhdon të mbështesë konkretisht fermerët shqiptarë. Në këto kohë të vështira, ata do të jenë në gjendje të eksportojnë produktet e tyre në BE pa taksa doganore deri në vitin 2025. Kjo masë do të sigurojë mbështetje të vlefshme për ekonominë”, thuhet në postimin në Twitter të delegacionit të BE-së.

Ndërkohë këtë lajm të mirë për fermerët shqiptarë e ka ripostuar në Twitter edhe ambasadori i Bashkimi Europian në Tiranë, Luigi Soreca.

Ky i fundit theksoi se kjo është një tjetër ndihmë konkrete nga BE për fermerët shqiptarë.

“Një tjetër ndihmë konkrete nga BE për fermerët shqiptarë. Shumë prej tyre tashmë janë duke eksportuar produkte sipas standardeve të Bashkimit Evropian, falë edhe IPARD. Të lumtur të shohim produktet e tyre “Made in Albania” të disponueshëm në tregjet evropiane! BE është këtu për t’ju mbështetur”, shkruan Soreca.

Another concrete help from the #EU🇪🇺to the #Albanian🇦🇱 farmers. Many of them are already exporting products according to 🇪🇺standards, thanks also to #IPARD.
Happy to see their products “Made in Albania” available in European markets! #EuropeisHere🇪🇺 to support you🇦🇱! @EUAgri. https://t.co/I1jB9FSa6b

— Luigi Soreca🇪🇺 (@LSorecaEU) March 30, 2021