Magazina e përshtatur për kultivim të kanabisit, arrestohen 4 persona

Katër persona janë arrestuar nga policia në Krujë, pasi kishin përshtatur një magazinë për kultivimin e kanabisit me anë të llambave.

Gjatë operacionit policor të koduar “Çinari”, ranë në pranga shtetasit Gjon Gazulli dhe Gojart Pelivani, të kapur në ambientet e magazinës.

Ndër të arrestuarit, janë edhe dy punonjës të OSHEE-së, Ardian Hysa me detyrë elektricist dhe Lulzim Mançe me detyrë lexues i aparatit matës.

Policia ka shpallur në kërkim pronarin e banesës Velidjan Broca dhe dy shtetas të tjerë Dashamir Vathi dhe Ledjan Vathi, vëllezër me njëri-tjetrin.

Në cilësinë e provës materiale, u sekuestruan 700 bimë kanabisi, llamba elektrike, aspiratorë dhe pajisje të tjera që shërbenin për kultvimin në ambient të mbyllur.

LEXONI GJITHASHTU

• Kapen mbi 187 kg kanabis në Korçë, arrestohen 5 persona