Makina del nga rruga në Pogradec, plagosen 4 anëtarë të një familje

Një aksident ka ndodhur mesditën e sotme, në dalje të fshatit Vërdovë, Pogradec, ku për pasojë 4 persona kanë mbetur të plagosur.

Policia bën me dije se shtetasi G. Gj., 42 vjeç, duke drejtuar automjetin tip “Honda”, dyshohet se ka humbur kontrollin mbi drejtimin e automjetit dhe automjeti ka dalë nga rruga.

Për pasojë janë dëmtuar 4 pasagjerë që udhëtonin në këtë automjet, të cilët u transportuan në spitalin e Pogradecit dhe ndodhen jashtë rrezikut për jetën.

Burime bëjnë me dije se makina ka rënë 5 metra poshtë rrugës.

Mësohet se drejtuesi i mjetit banor i Tiranës, me prejardhje nga fshati Plesisht i Mokrës, ka qenë për fundjavë në familjen e vet dhe po kthehej drejt banesës se tij ne Tiranë së bashku me familjarët e vet.

Me drejtuesin e automjetit G. Gj., po kryhen veprimet procedurale.

Grupi hetimor po punon për përcaktimin e shkaqeve të daljes nga rruga.

LEXONI GJITHASHTU: 

• Të pathënat e aferës, ish-e dashura e Mcgonigal rrëfehet sot në Review në Euronews
• Lajçak viziton të hënën Kosovën