Maldivet ndalojnë hyrjen e turistëve izraelitë në shenjë solidariteti me Palestinën 

Parlamenti i Maldiveve miratoi sot një projektligj që ndalon hyrjen e turistëve izraelitë në vend, në shenjë solidariteti me popullin e Gazës, i cili, siç thuhet në deklaratë, është “në prangat e luftës midis Izraelit dhe lëvizjes militante palestineze Hamas”.

Dokumenti u njoftua menjëherë nga presidenti i vendit ishull në Azinë Jugore, Mohamed Muica, transmeton Figaro.

“Maldivet riafirmojnë solidaritetin e tyre të vendosur me çështjen palestineze. Ky ratifikim pasqyron qëndrimin e vendosur të qeverisë në lidhje me mizoritë dhe aktet e përsëritura të gjenocidit të kryera nga Izraeli kundër popullit palestinez”, tha Presidenca e Maldiveve.

Ndalimi i udhëtimit për qytetarët izraelitë, i mbështetur nga qeveria dhe opozita, hyri në fuqi menjëherë, tha zëdhënësi i presidentit.

Republika Islamike e Maldiveve priti rreth 214,000 turistë të huaj në shkurt, nga të cilët vetëm 59 ishin izraelitë.

Një ndalim i mëparshëm për turistët izraelitë u hoq në fillim të viteve 1990 dhe autoritetet rivendosën shkurtimisht marrëdhëniet me Izraelin në 2010.

LEXONI GJITHASHTU:

• Erdogan kritikon Izraelin për minimin e stabilitetit në Siri
• Sulmi ajror izraelit shkatërroi objektet kryesore mjekësore, çfarë thanë dëshmitarët