English

Maliq| Vetëvritet Gjergj Mullalli, vrau bashkëshorten një ditë më parë

KOMENTE

SHPERNDAJE
ARTIKULLIN

Text sizeAa Aa

Gjergj Mullalli, i cili një ditë më parë vrau bashkëshorten e tij në Maliq dhe e hodhi në kanalin e ujërave të zeza është vetëvrarë këtë të diel.

- Advertisement -

Gjatë kohëve të fundit çifti kanë pasur debate me njëri-tjetrin, ku viktima ishte e pajisur me urdhër mbrojtje ndërsa shkak është bërë divorci i kërkuar prej saj.

Burri e qëlloi Luiza Mullallin me një plumb në kraharor që e la të vdekur në vend, ndërsa vet ishte në arrati.

Sot trupi i tij u gjet pa jetë.

Në një intervistë për Euronews Albania, e ëma e viktimës tha se vajza e saj ishte me urdhër mbrojtje ndërsa shtoi se me bashkëshortin e kishte probleme.

Mes të tjerash ajo akuzoi kunatën e vajzës se është përfshirë në ngjarjen e rëndë pasi sipas saj ajo ka dhënë urdhër për vrasjen e 46-vjeçares.

Njoftimi i policisë:

Pas kërkimeve të pandërprera dhe kontrollit të territorit me qëllim kapjen e shtetasit Gj. M., i cili një ditë më parë vrau me armë zjarri bashkëshorten e tij, shërbimet e Policisë të DVP Korçë dhe Komisariatit të Policisë Maliq bënë të mundur lokalizimin në një banesë të braktisur, në fshatin Zëmblak, të këtij shtetasi.

Sapo ka konstatuar se ka qenë i rrethuar nga forcat e Policisë 55-vjeçari, ka hapur disa herë zjarr ndaj punonjësve të Policisë.

Pas thirrjeve të njëpasnjëshme të  Policisë për t’u dorëzuar, ky shtetas është vetëvrarë.

Grupi hetimor ndodhet në vendngjarje për të kryer veprime të mëtejshme në lidhje me këtë ngjarje.

 

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

spot_img

TË FUNDIT

spot_img

Sondazh

Kush mendoni se ishte fituesi i debatit të parë presidencial në SHBA?