Malvina Tafçiu: Dua të jem në Kuvend deputete me shami

Pedagogia Malvina Tafçiu tha në një intervistë për Euronews Albania se do të jetë në Kuvend deputete me shami, ndërsa pohoi se Kuvendit i duhet një grua e mbuluar.

Çfarë mund të sjellë ajo?

Tafçiu u shpreh se mund të jetë herët për të folur për projektet e saj.

“Kjo nuk do të thotë që unë nuk i kam paramenduar dhe nuk kam përqendruar vëmendjen time në disa drejtime dhe një ndër ato drejtime që mua më ka shqetësuar jashtëzakonisht duke qenë se jam dhe e profilizuar në sektorin e arsimit, padiskutim ka qenë dhe do të mbetet arsimi, kjo dhe për vetë faktin se arsimi është një ndër shtyllat kryesore krahas shëndetësisë,” – u shpreh ajo.

Pedagogia tha se është e gatshme të kandidojë në zgjedhjet e vitit 2025.

LEXONI GJITHASHTU:

• ‘Mësuesja u pagua për vendosjen e shamisë’, Milaim Zeka përplaset me avokatin