“Maratona e bebave” në Pogradec, fëmijë nga 6-24 muaj marrin pjesë në tre gara

Për të dytin vit radhazi në Pogradec dhjetra fëmijë të moshave nga 6-24 muaj kanë marrë pjesë në “Maratonën e Bebave”, një aktivitet sportiv i cili ka në fokus voglushët dhe argëtimin e tyre.

Për tre netë me rradhë në qytetin liqenor pati shfaqje për fëmijë, maskota, muzikë, ngjyrosje dhe garë për vend të parë në maratonë.

Për atleten rekordmene Pavlina Evro një aktivitet i tillë ka në fokus jo vetëm argëtimin e voglushëve, por edhe lidhjen e tyre me sportin.

3 gara u zhvilluan mes voglushëve, “Këmbadorazi”, “Vrapoj vetë” dhe “Vrapoj shpejt” duke pëcjellë emocione, të qeshura por edhe lot në radhët e fëmijëve dhe prindërve.

Në fund fituesit e disiplinave të maratonës u vlerësuan me trofe, një kujtim mjaft i bukur për të ardhmen e tyre si fitues të një maratone të vërtetë bebash.

LEXONI GJITHASHTU:

• “Në Rusi i fusin bebet e porsalindura në akull”- Mjeku tregon arsyen e kësaj tradite
• Nga Sarajeva në Srebrenicë – nis maratona në kujtim të gjenocidit