Mark Rutte me Trump në Uashington të enjten, mesazh për Zelensky

Presidenti amerikan Donald Trump do të presë të enjten në Uashington Sekretarin e Përgjithshëm të NATO-s Mark Rutte, njoftoi sot Shtëpia e Bardhë.

Pas një përplasje verbale mes Zelensky dhe Trump gjatë një takimi në Zyrën Ovale të Shtëpisë së Bardhë muajin e kaluar, Rutte i kërkoi presidentit ukrainas të rivendoste marrëdhëniet me presidentin amerikan, raporton London Guardian.

Rutte konfirmoi se ai i tha Zelenskyt se “ajo që Presidenti Trump ka bërë deri më tani për Ukrainën duhet të respektohet me të vërtetë”.

“Jam absolutisht i bindur se SHBA-ja dëshiron ta sjellë Ukrainën në një paqe të qëndrueshme”, tha Rutte për BBC.

Këshilltari i Sigurisë Kombëtare i SHBA-së, Mike Walz, tha më herët sot se bisedimet e SHBA-së me Ukrainën në Jeddah të Arabisë Saudite, “po ecin përpara”.

Duke cituar deklaratat e zyrtarëve amerikanë dhe ukrainas, mediat raportuan më herët sot se Ukraina në Jeddah pranoi propozimin e SHBA për të futur një armëpushim 30-ditor, pas së cilës SHBA njoftoi se do t’i jepte fund pezullimit të ndihmës së inteligjencës dhe sigurisë për Ukrainën.