Marrëdhëniet BE-Kinë, Baerbock pret ministrin kinez: Merrni përgjegjësi për Ukrainën

Ministrja e Jashtme e Gjermanisë i bëri thirrje Kinës të marrë përsipër përgjegjësinë dhe të veprojë për t’i dhënë fund luftës në Ukrainë.

Annalena Baerbock priti homologun kinez për të dytën herë në muaj. Në Berlin, ministri Gang u bëri thirrje palëve t’i japin fund konfliktit, por shefja e diplomacisë gjermane theksoi se palët nuk duhet të trajtohen njësoj.

“Përpara asaj që është e gabuar, përpara agresorit dhe viktimës, neutraliteti do të thotë të mbështetësh agresorin”- tha Annalena Baerbock, ministre e Jashtme e Gjermanisë.

Nga ana e tij, kryediplomati kinez paralajmëroi BE-në për sanksionet që mund t’u vendosë kompanive kineze.

“Ne jemi kundër nismave të njëanshme për sanksione ndaj Kinës apo çdo vendi tjetër, por nëse do të ndodhë, ne do të përgjigjemi në mënyrë strikte”- Qin Gang, ministër i Jashtëm i Kinës.

Për llogari të presidentit Xi Jinping, ministri i Jashtëm tha gjithashtu se presidenti rus Vladimir Putin kishte mirëpritur thirrjen e tij për negociata dhe ishte shprehur i hapur për dialog.

LEXONI GJITHASHTU: 

• Përmbytet anija në Nigeri, mbyten 15 fëmijë, zhduken 25 të tjerë
• Me 10 kg kokainë dhe mijëra euro, arrestohen 2 shqiptarët në Itali