Marrëveshja Kosovë-Serbi e nevojshme sa më parë, sipas Stuart Peach

I dërguari i Posaçëm i Britanisë së Madhe për Ballkanin Perëndimor, Stuart Peach vlerëson se vazhdimi i situatës pa zgjidhje mes Kosovës dhe Serbisë shkon në dëm të të dy vendeve.

Për KlanKosova, Peach ka deklaruar se kjo e bën të nevojshme marrëveshjen finale.

“Sipas meje një marrëveshje gjithëpërfshirëse, përfundimtare dhe e qëndrueshme në mes Kosovës dhe Serbisë është e nevojshme sa më parë që të jetë e mundur: saktësisht kur arrihet ajo, është në dorën e palëve”, është shprehur ai.

Ai ka folur edhe për nismat rajonale, si “Ballkani i Hapur”, ku ka theksuar se në to të gjitha vendet duhet të jenë të barabarta.

Peach nënvizoi se Britania e Madhe mbështet Kosovën për anëtarësim në Këshillin e Evropës, derisa ka shtuar se inkurajojnë pesë vendet mosnjohëse të BE-së që ta njohin pavarësinë e Kosovës.

LEXONI GJITHASHTU

• Vetëm 13% e serbëve pranojnë një marrëveshje Kosovë-Serbi me kufijtë ekzistues
• A do të jetë njohja e Kosovës pjesë e dialogut në Bruksel? Përgjigjet Lajçak
• ‘Sanksione nga SHBA, në kërkim nga Kosova’, kush është Radoiçiç i listës serbe