Marrëveshja për Gazën, Merz: Gjermania do ofrojë 29 milionë euro ndihma humanitare

Kancelari gjerman Friedrich Merz njoftoi këtë të premten se Gjermania do të ofrojë 29 milionë euro ndihma humanitare për Gazën.

Vendimi i kancelarit gjerman për ndihmat, vjen pas ratifikimit të armëpushimit nga Izraeli me grupin militant palestinez Hamas.

“Ne po ofrojmë 29 milionë euro për ndihmë humanitare. Së bashku me Egjiptin, do të ftojmë në një konferencë rindërtimi për Gazën”, tha Merz në platformën X.

Gjermania, theksoi kreu i qeverisë, do të marrë përgjegjësinë në procesin e paqes të propozuar nga Presidenti i SHBA-së, Donald Trump.

Ndërkohë, armëpushimi do të monitorohet nga një task forcë e përbashkët prej 200 trupash dhe personel ushtarak amerikan nga Egjipti, Katari, Turqia dhe ndoshta Emiratet, raportoi një zyrtar i lartë i Shtëpisë së Bardhë në një telefonatë.

Për më tepër, Komanda Qendrore e SHBA-së do të krijojë një “qendër koordinimi civil-ushtarak” në Izrael, që do të ndihmojë në lehtësimin e kalimit të ndihmës humanitare, si dhe ndihmën logjistike dhe të sigurisë në Gaza.

IDF do të tërhiqet nga Vijën e Verdhë të treguar në hartën e marrëveshjes brenda 24 orëve të ardhshme, pas së cilës Hamasi duhet të lirojë të gjithë pengjet e gjallë brenda 72 orëve.

LEXONI GJITHASHTU:

• 200 trupa amerikan do të mbikëqyrin armëpushimin mes Izrael dhe Hamasit në Gaza 
• Trump: SHBA-të mund të vendosin sanksione të mëtejshme ndaj Rusisë