Marrëveshja për mineralet, Rubio: Moment historik, një hap drejt mbarimit të luftës

Sekretari amerikan i shtetit, Marco Rubio , i cili ka kërcënuar të tërhiqet nga përpjekjet e tij të ndërmjetësimit midis Rusisë dhe Ukrainës gjatë javës së kaluar, e ka quajtur marrëveshjen për mineralet një “moment historik në prosperitetin tonë të përbashkët dhe një hap të rëndësishëm në përfundimin e kësaj lufte”. Në një postim në X, ai shkroi:

“Falë lidershipit, sot SHBA-të dhe Ukraina nënshkruan Marrëveshjen e Fondit të Investimeve për Rindërtim , një moment historik në prosperitetin tonë të përbashkët dhe një hap i rëndësishëm në përfundimin e kësaj lufte”, shkruan Rubio.

Shtetet e Bashkuara dhe Ukraina kanë firmosur një marrëveshje të rëndësishme për shfrytëzimin e përbashkët të burimeve energjetike dhe mineraleve kritike të Ukrainës, pas muajsh negociatash intensive. Marrëveshja synon të ndihmojë në rindërtimin ekonomik të vendit të shkatërruar nga lufta me Rusinë.