Marshi i të gjallëve, përkujtohen 6 milionë hebrenj viktima të Holokaustit

Disa mijëra persona, hebrenj, polakë dhe përfaqësues të vendeve të tjera morën pjesë në të ashtuquajturin Marshi i të Gjallëve, që kaloi poshtë portës me parullën “Puna të bën të lirë” në ish-kampin gjerman të përqendrimit dhe më pas në kampin e vdekjes në Brikenau.

Këtë vit, marshimi u organizua në 80-vjetorin e kryengritjes së getos së Varshavës, 75-vjetorin e krijimit të shtetit të Izraelit dhe 35-vjetorin e Marshit të parë të të Gjallëve. Mes pjesëmarrësve ishin edhe të mbijetuar të Holokaustit.

Në mbarë Izraelin, qytetarët mbajtën një minutë heshtje në përkujtim të 6 milion hebrenjve, viktima të Holokaustit, shoqëruar me një sirenë që u dëgjua në Jerusalem për 2 minuta.

Automjetet dhe këmbësorët ndaluan në rrugë dhe ulën kokën në shenjë nderimi për ata që u vranë sistematikisht nga nazistët gjermanë dhe kolaboracionistët e tyre gjatë Luftës së Dytë Botërore.

Një e treta e hebrenjve në mbarë botën u vranë gjatë Holokaustit. Në vitin 1948, Izraeli themeloi shtetin dhe disa qindra mijëra të mbijetuar u transferuan në shtetin hebre.

Zyrtarë të shumtë, përfshirë presidentin izraelit Isaac Herzog dhe kryeministrin Benjamin Netanyahu morën pjesë në një ceremoni në memorialin e Holokaustit “Yad Vashem”, duke vendosur buqeta me lule.

LEXONI GJITHASHTU:

• 2 sulme në 24 orë| Një 13-vjeçar hap zjarr në Jerusalem, 2 të plagosur
• 8 të vrarë me armë zjarri nga sulmi në një sinagogë në Jerusalem