Masakër tjetër në Serbi, kush është 21-vjeçari që vrau 8 persona

Është publikuar nga mediat serbe fotoja e 21-vjeçarit, i identifikuar si U.B, i cili  mbrëmjen e të enjtes vrau 8 persona dhe plagosi 13 të tjerë.

Mediat vendase bëjnë me dije se ngjarja ka ndodhur në fshatin Shepsinë, ndërsa autori është arrestuar pas disa orësh kërkimesh.
Mësohet se në ndjekje të tij u vunë 600 policë.

Sipas informacioneve jozyrtare, konflikti me personat që ka vrarë ka nisur në oborrin e shkollës në qytetin e Dubonës.

U.B është debatuar me disa persona, pas së cilës ka shkuar në shtëpi dhe është kthyer me automatik dhe ka hapur zjarr.

Të shtënat vijnë më pak se 48 orë pasi një djalë 13-vjeçar vrau nëntë persona në një shkollë në Beograd dhe plagosi disa të tjerë.

Ministri i Brendshëm serb Bratislav Gasic e përshkroi të shtënat e fundit si një “akt terrorist”.

LEXONI GJITHASHTU: 

• “Harroj ku i lë syzet”, pensionisti: Jam ndier i rrezikuar nga demenca
• 600 policë në kërkim të tij, arrestohet 21-vjeçari që vrau 8 persona në Serbi