Mashtronin biznesmenët, lihen në burg dy vëllezërit dhe bashkëpunëtori i tyre

Jasmin e Rezart Pepaj dhe Sherif Kadroviç, janë lënë në burg nga Gjykata e Tiranës për veprën penale të mashtrimit, ku në shënjestër të tyre ishin biznesmenët.

Gjykata pranoi kërkesën e Prokurorisë për masën arrest me burg. 3 të rinjtë janë vënë në prangat e Policisë dhe 142 600 euro janë sekuestruar pasi dyshohet se i kishin përfituar përmes mashtrimit.

Të rinjtë nga Shkodra, prezantoheshin si njerëz të rëndësishëm në strukturat e shtetit, për të përfituar shuma të konsiderueshme parash në euro, teksa u kapën në flagrancë pas denoncimit të një biznesmeni, bashkë me 130 mijë euro, ndërkohë që banesat e tyre u gjetën 12600 euro të tjera, të dyshuara që ishin përfituar  përmes mashtrimit.

Për këtë çështje, është ngritur një grup i posaçëm hetimor, për thellimin e hetimeve, me qëllim identifikimin dhe kapjen e shtetasve të tjerë të implikuar në këtë veprimtari kriminale.

LEXONI GJITHASHTU: 

• “Nuk kam shok ministër”, Spartak Dobi tërhiqet nga deklarata për Ulsi Manjën
• Presidenca Suedeze nis konsultimet për aplikimin e Kosovës për anëtarësim në BE
• “Kukulla e Putinit”- Anonymous hakëron e-mailet e zyrtarëve serbë, mesazhi për Vuçiç