Mbahet samiti i vendeve të Amazonës: Duhet reagim i përbashkët për krizën e klimës

Liderët politikë të 8 vendeve që ndajnë territorin e Amazonës kanë nisur një samiti 2-ditor në Belem të Brazilit, në përpjekje për të arritur një marrëveshje për të shpëtuar masivin pyjor.

Në agjendën e bisedimeve përfshihen çështje si luftimi i shpyllëzimit, kërkimet minerare dhe krimet e ambientit.

“Nuk takoheshim prej 14 vjetësh. Kjo është hera e parë që takohemi këtu në Brazil dhe e para në kontekstin e përkeqësimit të krizës së klimës. Nuk ka qenë kurrë më urgjente sesa sot të rifillonim dhe të zgjeronim këtë bashkëpunim. Sfidat e epokës sonë kërkojnë reagim të përbashkët,” – u shpreh Lula da Silva, president i Brazilit.

Ndërkohë, banorët indigjenë protestuan jashtë selisë ku zhvillohet Samiti. Ata mbanin parulla kundër kapitalizmit, industrisë së naftës dhe asaj të minerareve, të gjitha çështje që shqetësojnë njerëzit që e quajnë masivin e Amazonës shtëpi.

LEXONI GJITHASHTU:

• Prigozhin fotografohet në territorin rus, në qytetin ku po mbahet samiti Rusi-Afrikë
• Krifca në samitin e OKB: Rezultate mbresëlënëse nga lidhja e bujqësisë me turizmin