Mbërrijnë 37 shtetas afganë në Shqipëri

Në orët e para të mëngjesit të së enjtes kanë mbërritur në aeroportin e Rinasit 37 shtetas afganë, duke e çuar në 644 numrin total të mbërritur në më shumë se një javë në Tiranë.

Ata janë akomoduar në Qytetin Studenti, për t’u transferuar në ditët në vijim në struktura hoteliere në bregdet.

Shqipëria ka premtuar se do të strehojë rreth 4.000 shtetas afganë deri sa ata të përfundojnë të gjithë kontrollet e sigurisë dhe dokumentacionet e nevojshme për t’u nisur në destinacionin final, SHBA.

Ardhja e shtetasve afganë ka shkaktuar reagim në opinionin publik në Shqipëri, ku disa e kanë parë si një gjest humanitar të nevojshëm, ndërsa të tjerë e kanë komentuar si ‘nder të sforcuar kërkuar nga SHBA’. Rama i ka mohuar akuzat duke thënë se “Shqipëria po e bën këtë veprim si përgjegjësi e një shteti anëtar i NATO-s”.

224 shtetas afganë kanë mbërritur në Kosovë deri tani, ndërsa në RMV aktualisht janë strehuar 149 afganë.

LEXONI GJITHASHTU: 

• Sa refugjatë afganë janë evakuuar dhe ku janë ata sot?
• Afganët po “skanohen”, krijohet data-baza e veçantë
• Mbërrijnë afganët e parë në Rinas, do të strehohen në hotele në Durrës