“Mbështes shefin, besoj në drejtësi”, Julia Dhame u bashkohet qytetarëve në GJKKO

Një numër mbështetësish të Erion Veliaj janë paraqitur përsëri këtë të mërkurë para ambienteve të GJKKO, kjo për shkak se sot mbahet seanca për verifikimin e masës së sigurisë për kryebashkiakun e Tiranës dhe bashkëshorten e tij Ajola Xoxa.

Kjo është dera e dytë që mbështetësit vijnë në SPAK, qytetarë në një numër më të lartë se herën e parë, të cilët shprehen me bindje të plotë se arrestimi i Veliajt është një veprim një padrejtë.

Mbështetësit kanë bërë thirrje të ndryshmë me megafon dhe shprehen: “Lali, heroi jonë, Lali Eri”.

Gazetarja Sara Demushi raporton se ky zhvillim pritet të jetë një sancë maratonë, kjo për shkak se mbështetësit janë mbledhur që prej orës 16:30 tashmë për të dytën herë.

E pranishme mes mbështetësve ishte dhe Drejtoresha e Promovimit të Qytetit në Bashkinë e Tiranës, Julia Dhame e cila shprehet se kjo mbledhje para GJKKO-së do zgjasë deri në dhënien e një vendimi ndaj Veliajt.

“Jam në mbështetje të kryebashkiakut dhe shefit tim. Arrestimin e tij e konsideroj të padrejtë përderisa nuk ka prova, kur të ketë do e quaj të drejtë. Do shofim si do të jetë vendimi, kam besim të drejtësia. Sa për sot, vimë të gjithë më dëshirën tonë dhe qëndrojmë dri sa të jepet vendimi.