Mbështetësit e Bashës kanë votuar për kandidatë të ‘Rithemelimit’, thotë Vokshi

Deputetja e Partisë Demokratike, Albana Vokshi deklaroi se mbështetës të ish-kryedemokratit Lulzim Basha kanë votuar për kandidatë të Komisionit të Rithemelimit, në zgjedhjet e zhvilluara për kryetarë të degëve.

Në emisionin “Now” në “Euronews Albania”, Vokshi tha se kjo ka ndodhur në degën nr.7 në Tiranë.

Sipas saj, persona të cilët kanë mbështetur më parë ish-kryetarin e kësaj dege Lefter Gështenjën i cili tashmë është deputet si dhe Bashën, votuan për kandidatët e Rithemelimit.

“Në zgjedhjet e fundit për kryetar të degës 7 kanë marrë pjesë 523 anëtarë. Më 13 qershor dhe 18 dhjetor kanë marrë pjesë diku te 400 anëtarë. Unë kam pare mbështetës që më parë ishin me Lefter Gështenjën dhe Lulzim Bashën. Kanë ardhur, kanë votuar duke legjitimuar duke u bërë pjesë e procesit”, u shpreh deputetja.

Vokshi shtoi se pas zgjedhjeve të pjesshme lokale të 6 marsit ekuilibrat në bazë ka ndryshuar dhe se anëtarësia është më e bashkuar.

LEXONI GJITHASHTU

• Vokshi: Deputetët ‘bojkotues’ që bëjnë pazare, s’mund të mbajnë peng PD-në
• Kuvendi i 30 prillit nuk e bashkoi PD-në, thotë Bushati