Mbi 20 viktima nga përmbytjet në jug të Iranit

Përmbytjet në provincën jugore Fars të Iranit kanë vrarë të paktën 21 njerëz pas reshjeve të mëdha të shiut.

Një zyrtar lokal tha se përmbytjet goditën disa qytete dhe fshatra pranë qytetit të Estahbanit, ku reshjet e rrëmbyeshme rritën nivelin e lumit Roudbal.

Ekipet e shpëtimit arritën të shpëtojnë 55 persona, të cilët ishin bllokuar nga përmbytjet.

Irani është përballur me thatësira të përsëritura gjatë dekadës së fundit, por edhe me përmbytje.

Në vitin 2019, përmbytjet e mëdha në jug të vendit vranë të paktën 76 njerëz dhe shkaktuan dëme të vlerësuara në më shumë se 2 miliardë dollarë.

LEXONI GJITHASHTU

• Mijëra të evakuuar në Kinë për shkak të përmbytjeve
• Dhjetëra persona të vdekur nga përmbytjet në Australi