Mbi 30 mijë vota dalin të pavlefshme, rritje e ndjeshme në krahasim me 2017

Nga numërimi i deri tanishëm i votave në të gjithë vendin, ekziston një numër i konsiderueshëm votash të pavlefshme.

Kur janë numëruar 1 961 kuti votimi nga 5199 që janë gjithsej, vota të pavlefshme në total janë 30 mijë.

Në total numri i fletëve të votimit që kanë rezultuar të pavlefshme është mbi 5%.

Në proceset e kaluara kjo për qindje ka qenë më e ulët dhe duket se këtë herë ka ndikuar ndryshimi i sistemit zgjedhor me hapjen e listës.

Ndryshe nga 2017, këtë herë nëse një zgjedhës ka votuar për një forcë politike të ndryshe nga forca politike që përfaqëson kandidati i preferuari i tij, vota konsiderohet e pavlefshme.

Në zgjedhjet parlamentare të vitit 2017, numri i pa vlefshëm i fletëve të votimit ishte në total më pak se 2%.

Nga ana tjetër numri i fletëve të vlefshme që janë numëruar deri tani është mbi 556 mijë.