Mbi 50 persona dyshohet u rekrutuan nga Irani për sulmin në Durrës

Pas kërcënimeve për një sulm të mundshëm terrorist, muxhahedinët e strehuar në Shqipëri shtynë Samitin “për Iranin e Lirë”, që do të mbanin më 23 dhe 24 korrik brenda kampit Ashraf 3 në Manzë të Durrësit.

Mbi 50 persona dyshohet se janë rekrutuar nga regjimi iranian për të kryer akte terroriste gjatë këtij samiti.

Kanë qenë shërbimet inteligjente të policisë shqiptare e partnerëve ndërkombëtarë që kanë kapur disa mesazhe të koduara që flisnin për një akt të mundshëm terrorist, me pasoja ndaj muxhahedinëve.

Ishte edhe ambasada amerikane që njoftoi se Shqipëria rrezikonte një sulm që kishte në samitin Botëror të Iranit të Lirë.

Pas kërcënimit, Samiti Botëror i Iranit të Lirë, u shty deri në një njoftim të dytë.

LEXONI GJITHASHTU:

• Shtyhet samiti për Iranin në Durrës, shkak kërcënimet terroriste
• Ambasada amerikane: Shqipëria rrezikon sulm në samitin për Iranin në Durrës