Mbi 5,000 fluturime anulohen për shkak të stuhisë së madhe të dëborës që godet SHBA

Më shumë se 5,000 fluturime brenda, për në ose nga SHBA-ja janë anuluar sot, sipas faqes së internetit të ndjekjes së fluturimeve FlightAware.

Që nga ora 08:45 e mëngjesit 5,326 fluturime u anuluan për të hënën.

Vendimi vjen pas shpalljes sw gjendjes së jashtëzakonshme në disa shtete të SHBA-së, përfshirë Massachusetts, Connecticut, Delaware, New Jersey dhe Rhode Island.

Aeroportet po u këshillojnë pasagjerëve të kontrollojnë me linjën ajrore statusin e fluturimit të tyre përpara se të udhëtojnë për në aeroport.

Qyteti i Nju Jorkut – më i populluari në SHBA – ka mbyllur të gjitha rrugët dhe urat për trafikun jo-thelbësor nga ora 21:00 e së dielës deri në mesditën e së hënës.

Kryebashkiaku Zohran Mamdani tha në një konferencë për shtyp të dielën se shkollat ​​do të mbyllen dhe të gjitha rrugët, autostradat dhe urat do të mbyllen për trafikun, përveç rasteve të emergjencës.

Ndalimi i udhëtimit përfshin edhe biçikletat elektrike – të cilat përdoren shpesh për shpërndarjen e ushqimit në qytet.

Qyteti është nën paralajmërim për stuhi bore për herë të parë në nëntë vjet.

“U kërkojmë banorëve të New Yorkut të shmangin të gjitha udhëtimet jo thelbësore. Ju lutemi, për sigurinë tuaj, qëndroni në shtëpi, qëndroni brenda dhe larg rrugëve”, tha Mamdani.

Kjo është stuhia e dytë e madhe dimërore që godet qytetin këtë vit, pasi 19 persona vdiqën gjatë një valë të ftohti tre-javor që filloi më 19 janar.