Mbreti i Marokut pranon ftesën e Trump, bashohet me liderët e tjerë në “Bordin e Paqes” për Gazën

Mbreti Mohammed VI i Marokut ka pranuar ftesën e presidentit të SHBA-së Donald Trump për t’u bashkuar me Bordin e Paqes si anëtar themelues. Kështu ka deklaruar Ministria e Jashtme e vendit.

“Maroku mirëpret nisjen e fazës së dytë të planit të paqes për Gazën, si dhe themelimin zyrtar të Komitetit Kombëtar për Administrimin e Gazës, si një organ i përkohshëm dhe kalimtar,” shtoi ministria.

Më 22 janar pritet të zhvillohet një ceremoni nënshkrimi e Bordit të Paqes të Trump për Gazën. Ceremonia është planifikuar për të enjten në margjinat e Forumit Ekonomik Botëror në Davos të Zvicrës.

Gazetari izraelit, Barak Ravid të hënën ka shpërndarë një njoftim që supozohet se është lëshuar nga Shtëpia e Bardhë për krerët e vendeve të ftuara, ku zbulohet data e ceremonisë së nënshkrimit dhe ora.

Përbërja e bordit është ende e paqartë, me disa udhëheqës botërorë që konfirmojnë se do të bashkohen, ndërsa të tjerë kanë shprehur skepticizëm ose kanë treguar se do të kenë nevojë për kohë për të peshuar vendimin.