“Mbrojmë fermerët tanë”, Macron: Franca  do të votojë kundër marrëveshjes BE-Mercosur

Presidenti francez Emmanuel Macron tha sot se Franca do të votojë kundër marrëveshjes së tregtisë së lirë me bllokun Mercosur.

Macron tha se në Francë kishte konsensus për të refuzuar marrëveshjen. “Nënshkrimi i marrëveshjes nuk është fundi i historisë. Unë do të vazhdoj të luftoj për zbatimin e plotë të angazhimeve të nxjerra nga Komisioni Evropian dhe për mbrojtjen e fermerëve tanë”, tha ai në një postim në X.

Më parë, fermerët francezë bllokuan rrugët në Paris me traktorët e tyre për të protestuar kundër “marrëveshjes gjithëpërfshirëse tregtare” që Bashkimi Evropian pritet të nënshkruajë me vendet e Amerikës së Jugut.

Fermerët bënë thirrje për demonstrata në Paris mes frikës se marrëveshja e tregtisë së lirë me bllokun Mercosur (Argjentinë, Brazil, Paraguai, Uruguai) do ta përmbytë BE-në me ushqime të lira të importuara. 

Ministrja franceze e Bujqësisë, Anne Zevenard, tha dje, të mërkurën, se edhe nëse vendet anëtare të BE-së e mbështesin marrëveshjen, Franca do të vazhdojë të luftojë në Parlamentin Evropian.

Votimi për miratimin e marrëveshjes pritet të zhvillohet të premten.