Mbrojtësi francez Hernandez dhe partnerja e tij, nën hetim për trafikim të qënieve njerëzorr

22 Janar 2026 | 10:46

Prokurorët francezë po hetojnë mbrojtësin e Paris Saint Germain dhe Francës, Lucas Hernandez, dhe partneren e tij pas akuzave për trafikim qeniesh njerëzore dhe punësim të paligjshëm nga një familje kolumbiane, tha një burim gjyqësor të mërkurën.

Dyshja mohoi çdo shkelje, duke thënë se vepruan me mirëbesim dhe mirësi, por ishin manipuluar.

Kampioni i botës, Hernandez dhe bashkëshortja e tij akuzohen për “trafikim të qenieve njerëzore dhe shfrytëzim”, teksa e gjithë kjo ka nisur nga pretendimet e një familjeve kolumbiane e përbërë nga 5 anëtarë.

Sipas avokates së familjes, Hernandez dhe partnerja e tij Victoria Triay i punësuan ata pa statusin përkatës ligjor dhe i kishin bërë të punonin deri në 82 orë në javë pa ditë pushimi. Hernandez dhe Triay i mohojnë me forcë akuzat dhe thonë se janë “tradhtuar”.

Vajza e familjes i tha gazetës franceze Paris Match se Triay e kontaktoi ndërsa punonte si infermiere në Kolumbi. Triay dyshohet se i ka ofruar asaj një punë dhe i ka ‘premtuar’ dokumentacion zyrtar që do ta lejonte ligjërisht të punonte brenda gjashtë muajve.

Por vajza, së cilës më vonë iu bashkuan nëna, babai dhe dy vëllezërit e saj, pretendoi se kjo nuk u bë kurrë e mundur dhe se ata iu nënshtruan kushteve të rënda të punës, të cilat i bënë të merrnin kompensim ‘të pamjaftueshëm’.

Pretendimet tani po hetohen nga zyra e prokurorit të Versajës.

Home Kryefaqja
Shiko në: YouTube
Lajme të Sugjeruara

Tajani: Është SHBA-ja ajo që “duhet ta ndalojë Izraelin” për paqen në LM

Ministri i Jashtëm i Italisë Antonio Tajani tha të martën se Shtetet e Bashkuara janë vendi i pozicionuar më së miri për të ushtruar presion...
22:35 | 03/06/2026

SHBA tërheq trupat nga Lituania

Shtetet e Bashkuara kanë nisur tërheqjen e më shumë se 1 mijë ushtarëve amerikanë dhe pajisjeve ushtarake nga Lituania pas përfundimit të një periudhe dislokimi...
22:33 | 03/06/2026

Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta

Irani thotë se marina e saj shënjestroi një anije detare amerikane që strehonte një “qendër komande dhe kontrolli” ndërsa ajo po i afrohej ujërave territoriale...
22:27 | 03/06/2026