Mbyllet fabrika e Kinder në Belgjikë

Autoritetet belge urdhëruan të premten mbylljen e fabrikës së çokollatave Kinder, pas dyshimeve për praninë e salmonelës në produktet e saj.

Vendimi, por edhe shqetësimet e qytetarëve për shëndetin, përbëjnë një goditje të fortë për kompaninë mëmë të Kinder, italiania Ferrero dhe vjen në sezonin e Pashkës, kur vezët e saj blihen masivisht në supermarkete.

“Erdha për të bërë pak Pazar dhe do ta përdor këtë mundësi për të marrë disa vezë çokollate, që do t’ua jap nipërve të mi pas pak ditësh. Por mësova se është rreziku i salmonelës”, tha një qytetare.

Kompania Ferrero ndau një deklaratë ku kërkonte falje për përhapjen e rasteve të salmonelës dhe njoftonte pezullimin e operacioneve të fabrikës së saj në qytetin Arlon, në jug-lindje të Belgjikës.

LEXONI GJITHASHTU:

• Nis tërheqja e disa çokollatave ‘Kinder’ nga tregu shqiptar
• Kosova heq nga tregu disa produkte Kinder, shkak bakteri salmonela