Mbyllet takimi Macron-Rubio, në fokus të bisedimeve Ukraina

Është mbyllur në Elize takimi i punës mes Emanuel Macron, sekretarit të Shtetit Marco Rubio dhe të dërguarit amerikan për Lindjen e Mesme, Steve Witkoff.

Kjo ishte vizita e parë zyrtare e shefit të diplomacisë amerikane në Francë, në një periudhë fërkimesh mes Shteteve të Bashkuara dhe Evropës.

Në kryeqytetin francez ishte edhe këshilltari i presidentit Volodymyr Zelensky, Andriy Yermak, si dhe ministrat ukrainas të Jashtëm dhe të Mbrojtjes.

Mbi bisedimet e zhvilluara nuk ka shumë të dhëna, por burime nga Elizeu bëjnë të ditur se në takim u bë bilanci i negociatave të paqes. Takimet do të pasohen nga bisedime të mëtejshme mes presidentit francez dhe Donald Trump.

LEXONI GJITHASHTU:

• Ukraina sulmon me dronë Kurskun e Rusisë, një civil i vrarë dhe nëntë të plagosur
• Rusia dhe Ukraina sulmojnë njëra-tjetrën me dronë