Mbylli në banesë prindërit duke i kërcënuar, policia Himarë: U parandalua vetëdëmtimi i 34-vjeçarit

Policisë Himarë  ka dhënë detaje mbi ngjarjen e sotme ku një 35-vjeçar, në gjendje të rënduar psikologjike, kishte izoluar në banesë dy prindërit e tij, duke i kërcënuar me mjet prerës.

Policia ka informuar se 34 vjeçari, S. Dh., i cili vuante nga probleme të shëndetit mendor ishte izoluar në dhomë. Ai ka refuzuar për të dalë nga dhoma. Ndërkaq, policia fillimisht ka bërë të mundur nxjerrjen e nënës së 34-vjeçarit, e cila ndodhej në dhomë me të.

Në përpjekje për ta qetësuar dhe nëpërmjet disa negociatave nga punonjësit e Policisë, u bë e mundur që shtetasi S. Dh, të dilte nga ambienti, pa dëmtuar veten.

Më pas, ai u shoqërua me autoambulancë për në spital, për të marrë ndihmën e nevojshme mjekësore.