Jursti, Artan Manushaqe thotë se arsyet që dha qeveria për mbylljen e kolegjit turk “Mehmet Akif”, nuk janë të besueshme.
Në një intervistë për “Euronews Albania”, Manushaqe u shpreh se për shkak të standardeve, por edhe të historikut të këtij kolegji, është e paparanueshme që të merret një masë e tillë drastike.
“U dhanë dy arsye që për mendimin tim, nuk janë të besueshme. Për gjimnaznin “Mehmet Akif” u dha një arsye se është ndryshuar adresa. U dha dhe një argument tjetër që nuk janë vënë dritat dhe tabelat në mënyrën e duhur, në lidhje me pozicionin e maturantëve. Përfaqësuesit e institucionit i përgënjeshtruan dhe thanë që kanë marrë masat.
Edhe për shkak të historikut që ka vetë kolegji “Mehmet Akif”, nuk është e pranueshme në parim, që të marrësh një masë kaq drastike sa të pezullosh arsimin dhe të rikërkosh rishpërndarjen e këtyre maturantëve në institucione të tjera. Këta nuk kishin marrë informacion zyrtar”, theksoi ai.
Gjimnazistët e kolegjit turk, “Mehmet Akif” do të protestojnë të hënën para Ministrisë së Arsimit për të kundërshtuar vendimin për mbylljen e këtij institucioni arsimor.
Tre ditë më parë, qeveria vendosi mbylljen e kolegjit turk në Tiranë “Mehmet Akif Ersoy”.
LEXONI GJITHASHTU
- Mbyllja e kolegjit turk, nxënësit protestojnë të hënën para Ministrisë së Arsimit
- Mbyllja e kolegjit turk, reagon Rama
- Ministrja Kushi tregon arsyet e mbylljes së kolegjit turk në Tiranë
