Mirsad Likaj, Drejtor i Çështjeve Juridike, të fondacionit “Gulistan”, deklaroi se Ministria e Arsimit duhet të përgjigjet për ecurinë mësimor të nxënësve pas mbylljes së kolegjit turk “Mehmet Akif”.
Në një intervistë për Euronews Albania, Likaj tregoi se më 14 shtator në godinat e kolegjit kanë shkuar një grup pune, por që nuk kanë konstatuar shkelje.
“Është Ministria e Arsimit përgjegjëse për aktivitetin arsimor. Duhet të nxjerrin aktete normative, për ecurinë e procesit mësimor.
Sipas ministrisë godina nuk është e përshtatshme për mësim dhe prandaj është mbyllur. Shkresa e Ministrisë së Arsimit për mosmiratimin e vendodhjes mban datën 13 shtator edhe pse na ka ardhur dje me datën 22.
Më 14 shtator na ka ardhur një grup pune për të verifikuar mbi ligjshmërinë dhe ushtrimin e veprimtarisë dhe nga ana e tyre nuk janë konstatuar shkelje që mund të çonin në heqjen e liçensës”-deklaroi ai.
LEXONI GJITHASHTU:
- Mbyllja e kolegjit turk, Likaj: Do ndjekim procedurat ligjore në gjykatë
- Likaj: S’kemi pasur asnjë informacion zyrtar për mbylljen e kolegjit turk
