Mbyllja e Ngushticës së Hormuzit, Khamenei: Marina iraniane gati t’i shkaktojë disfata të reja SHBA-së

Një mesazh që supozohet se është nga Udhëheqësi i ri Suprem Mojtaba Khamenei paralajmëron se marina e Iranit “është gati t’i bëjë armiqtë të shijojnë hidhërimin e disfatave të reja”.

Udhëheqësi suprem i Iranit ka lëshuar një deklaratë me rastin e përvjetorit të krijimit të Republikës Islamike dhe ditëlindjes së babait të tij të ndjerë. Gjithashtu ai ka reaguar edhe për mbylljen e Ngushticës së Hormuzit, e cila u hap një ditë më parë, ndërsa këtë të shtunë Irani njoftoi sërisht mbylljen e saj.

Në deklaratën e shpërndarë në Telegram, Khamenei vlerësoi mbrojtjen e ushtrisë iraniane të Iranit kundër SHBA-së.

Mes armiqësive të reja në Ngushticën e Hormuzit, ai paralajmëroi se “marina e guximshme e Iranit është gjithashtu e gatshme t’u shkaktojë disfata të reja të hidhura armiqve të saj”.

Zyrtarët amerikanë thonë se marina iraniane është kryesisht e paaftë, duke pretenduar se mbi 150 anije janë shkatërruar, përfshirë të gjitha nëndetëset.

Udhëheqësi suprem e mori drejtimin e Iranit pasi babai dhe paraardhësi i tij, Ali Khamenei, u vra në një sulm amerikan në fillim të luftës.

Besohet se edhe Mojtaba Khamenei është plagosur. Ai nuk është parë ose dëgjuar në publik që atëherë, dhe deklaratat shpërndahen vetëm me shkrim ose lexohen me zë nga dikush tjetër.