“Më përgjoi Obama”- Haklaj paralajmëron Berishën: Do ta merrni vesh shumë shpejt

Ish-deputeti i Partisë Demokratike Azgan Haklaj komentoi këtë të martë në Euroneës Albania deklaratat e ish-kryeministrit Berisha se e ka përgjuar Obama.

Haklaj tha se Berisha është një politikan që i paraprin ngjarjeve që do të ndodhin. Ai shtoi se përgjimet mund të publikohen shumë shpejt, çka do të tregojë që investigimi amerikan ndaj Berishës ka filluar qysh herët.

“Berisha tha më ka përgjuar Obama. Berisha u paraprin ngjarjeve. Do ta shohim dhe ngjarjen e Obamës shumë shpejt. Nëse Berishën e ka përgjuar Obama do të thotë që Berisha ka qenë në investigim qysh herët. Prandaj nuk ka qenë rastësi shpallja non grata. Dy drejtëza paralele nuk bëhen dot rreth, Berisha përpiqet ta ekuivalentojë shpalljen non grata që është bërë ndaj tij me komplotin që është bërë ndaj PD-së. Janë dy procedura krejt të ndryshme, nuk mundet një zyrtar i FBI-së të ndikojë në shpalljen non grata të një personi”, tha Haklaj.

LEXO GJITHASHTU:

• Haklaj: Ish-ministri i PD-së u takua me Agron Nezën poshtë shtëpisë së Berishës
• Azgan Haklaj zbulon emrin e ministres që i ka dorëzuar dorëheqjen kryeministrit Rama
• Haklaj analizon aksionin e opozitës: Çfarë po kërkon të bëjë Berisha me protestat