“Me vëllanë tim”- Djali i George Soros ndan foton me kryeministrin Rama

Djali i miliarderit amerikan George Soros, Aleks Soros, ka ndarë në rrjete sociale një foto me kryeministrin e Shqipërisë, Edi Rama.

Në foton e publikuar në Instagram, Soros shihet i përqafuar me shefin e qeverisë shqiptare dhe duke ndarë një bisedë me një person të tretë, i cili nuk është kapur në fotografi.

Në mbishkrimin e postimit, Soros shkruan se mbyllja e verës me Ramën në Shqipëri është kthyer në një traditë tashmë.

“Përfundimi i verës me vëllanë tim në Tiranë është bërë traditë”, shkruan Soros në rrjetet sociale.

Aleks Soros është drejtuesi i Fondacionit për Shoqëri të Hapur, pas tërheqjes nga drejtimi i kësaj organizate të babait George Soros.

LEXONI GJITHASHTU:

• Soros ndan fotot nga ditëlindja e Ramës, i pranishëm dhe Bill Clinton
• “Ky moment, thesar në jetën time”, Bill Clinton flet në ceremoninë e mbajtur për të