Mediat palestineze: Tanket izraelitë sulmuan spitalin më të madh të Gazës

Ushtria izraelite ka sulmuar spitalin Al Shifa në Gaza, mëngjesin e ditës së sotme.

Sipas mediave të huaja, kompleksi më i madh spitalor i Gazës konsiderohej nga izraelitët si “zemra” e operacioneve të Hamasit.

Ngjarja erdhi në një moment që Izraeli dhe Hamasi dukej se ishin afër një marrëveshjeje për të siguruar lirimin e pengjeve në këmbim të një armëpushimi të qëndrueshëm dhe shumëditor.

2nd Actual CCTV Footage of Al shifa hospital
Sources claim that heavy tanks also reached Alshifa.
Note that medic already confirmed of no Hammas fighter inside Alshifa
Pray for Palestine 🤲🇵🇸 pray for safety of all para medic staff and kids who are in hospital 🙏#AlShifaHospital pic.twitter.com/OA6BwDvIpS

— Palestinian Soul (@NadeemMania) November 15, 2023

“Tanket izraelite sulmuan Al Shifa në agim”, tha një gazetar brenda kompleksit spitalor.

“Ne mund t’i shohim ata duke drejtuar tanket në spital. Ne nuk jemi të sigurt nëse ushtarët janë brenda spitalit, por ata janë brenda kompleksit me tanke”, sipas një gazetari për agjencinë palestineze të lajmeve Wafa.

“Pati shkëmbime me armë zjarri në oborr”, shtoi Al Za’anoun, pasi qindra punonjës dhe pacientë janë ende brenda spitalit, së bashku me disa mijëra njerëz që kanë kërkuar strehim nga sulmet ajrore dhe tokësore të Izraelit.

Kujtojmë se pas rihapjes së konfliktit në 7 tetor të këtij viti, nga burimet jozyrtare bëhet me dije se rreth 1400 izraelitë dhe mbi 11 mijë palestinezë kanë humbur jetën si pasojë e luftimeve.

LEXONI GJITHASHTU:

• Lufta në Gaza/ Izraeli: Kemi hapur korridor humanitar për ata që duan të largohen
• SHBA sulmon objektivat iraniane në Siri