SHBA sulmon objektivat iraniane në Siri

Shtetet e Bashkuara kryen dy sulme ajrore në Siri kundër Iranit dhe “grupeve të rreshtuara” pro tij.

Sipas mediave të huaja, lajmin e bëri të ditur Pentagoni mbrëmjen e djeshme, sipas të cilit, sulmet ishin të urdhëruara drejtpërdrejt nga presidenti Joe Biden dhe kishin në shënjestër një strukturë trajnimi pranë qytetit të Albu Kamal dhe një shtëpi të sigurt pranë qytetit të Mayadeen.

Sulmi është i treti që nga 26 tetori, një përgjigje e SHBA-ve ndaj sulmeve me dronë dhe raketa kundër trupave amerikane në Siri dhe Irak.

Sekretari amerikan i mbrojtjes Lloyd Austin ka lënë të hapur këtë mëngjes mundësinë e më shumë sulmeve kundër grupeve të lidhura me Iranin nëse sulmet kundër forcave amerikane nuk ndalen.

“Këto sulme duhet të ndalen, dhe nëse nuk ndalen, atëherë ne nuk do të ngurrojmë të bëjmë atë që është e nevojshme, përsëri, për të mbrojtur trupat tanë,” u tha Austin gazetarëve në një konferencë shtypi në Seul.

LEXONI GJITHASHTU:

• Lufta në Gaza/ Izraeli: Kemi hapur korridor humanitar për ata që duan të largohen
• Lufta në Gaza/ Erdogan: Turqia është e gatshme të marrë palestinezët e plagosur