Lufta në Gaza/ Izraeli: Kemi hapur korridor humanitar për ata që duan të largohen

Izraeli ka hapur një korridor humanitar në Gaza, për të bërë të mundur lëvizjen e civilëve që dëshirojnë të ikin drejt Jugut.

Sipas mediave të huaja, lajmin e bëri të ditur zëdhënësi i mediave arabe të Forcave të Mbrojtjes të Izraelit.

Për të gjashtën ditë radhazi, Avichay Adraee tha se rruga Salah al Din, e cila shkon nga veriu në jug të enklavës, do të ishte e sigurt për të udhëtuar midis orës 10:00-14:00 sipas kohës lokale (08:00-12:00 sipas kohës së Mbretërisë së Bashkuar).

“Zona veriore e Rripit të Gazës konsiderohet një zonë e ashpër luftimi dhe koha po kalon për ta evakuuar atë,” tha ai.

“Bashkohuni me qindra mijëra që u janë përgjigjur thirrjeve dhe janë zhvendosur në jug ditët e fundit”, vijonte ai më tej.

Një agjenci e ministrisë së mbrojtjes, COGAT, ndau pamje që pretendojnë se tregojnë palestinezët duke përdorur duke përdorur pauzën humanitare për t’u larguar.

🚨Tens of thousands of Gazans are moving to the southern part of the Gaza Strip for their safety.
For the 6th consecutive day, the @IDF has opened an evacuation corridor.
The evacuation corridor is open today 9:00-16:00. #FreeGaza from Hamas. #HumanitarianEffort pic.twitter.com/oB9l5idqSq

— COGAT (@cogatonline) November 10, 2023

LEXONI GJITHASHTU:

• Ish-diplomati: Bashkimi i Hezbollahut në luftën në Gaza do të ishte ‘shkatërrues’
• Izraeli refuzon thirrjen e SHBA-së për pauzë humanitare dhe vijon sulmet