Mediu zbulon planin e Ramës dhe shprehet skeptik për 25 prillin: S’ka premisa për zgjedhje të lira

“Nuk ka asnjë premisë për të mbajtur zgjedhje të lira dhe të ndershme në Shqipëri, këtë po e them që tani, por kjo nuk duhet ta ndalë opozitën për të shkuar në zgjedhje”. Kështu deklaroi sot kryetari i Partisë Republikane, Fatmir Mediu në studion e “Ilva Now”.

Ai theksoi se duhet të ishte vetë Partia Demokratike, ajo që të udhëhiqte idenë për listat e hapura, me qëllim që të krijonte sinergji tek të djathtët. Kreu i PR-së thekson se opozita shqiptare do duhet të mbrojë votat në çdo qendër votimi nga presioni, intimidimi dhe nga ndikimet e tjera me prapavijë politike.

“PD duhet të udhëhiqte idenë për listave të e hapura për të krijuar një sinergji në të djathtën me qëllim që kryeministri Edi Rama të bënte këto makinacione, që janë tërësisht në dëm të zgjedhjeve të lira dhe të ndershme. Unë po ju them një gjë: Edi Rama do të shkojë tek pika për ta marrë kutinë në krah për të mbajtur pushtetin. Nuk ka asnjë premisë për të mbajtur zgjedhje të lira dhe të ndershme në Shqipëri, këtë po e them që tani, por kjo nuk duhet ta ndalë opozitën për të shkuar nëzgjedhje. Opozita duhet të organizohet në çdo qendër për të mbrojtur zgjedhjet nga intimidimi, blerja, krimi. Fryma krijohet në çdo cep të Shqipërisë”, tha Mediu.

Intervista e plotë: