Meloni: Evropa duhet të emërojë një përfaqësues të përbashkët në bisedimet për Ukrainën

Kryeministrja italiane, Giorgia Meloni, u bëri thirrje aleatëve evropianë të Ukrainës të enjten që të emërojnë një përfaqësues të përbashkët për bisedimet me Rusinë, që synojnë t’i japin fund luftës.

“Unë mbështes nevojën për të emëruar një person të vlefshëm, i cili do të përfaqësojë Evropën”, tha Meloni, duke folur në parlament.

Propozimi është pjesë e diskutimeve brenda BE-së mbi koordinimin e pranisë diplomatike evropiane në negociatat për Ukrainën, në një kohë kur qasjet e ndryshme kombëtare e kanë bërë të vështirë vendosjen e një vije të unifikuar ndaj Moskës.

“BE-ja duhet të jetë e gatshme për sanksione kundër Iranit”, shtoi ajo.

Kryeministrja italian iu referua edhe Iranit, duke theksuar se Bashkimi Evropian duhet të jetë gati të vendosë sanksione të reja kundër Teheranit nëse ky i fundit nuk kontribuon në përfundimin e krizës në Lindjen e Mesme.

“Nëse Teherani vazhdon në rrugën e gabuar, BE-ja duhet të jetë e gatshme të rrisë presionin përmes masave të reja të synuara”, tha Meloni, duke folur në parlamentin italian.

Në të njëjtin fjalim, përpara samitit të BE-së, kryeministrja italiane i përshkroi deklaratat e fundit të Ministrit të Sigurisë Kombëtare të Izraelit, Itamar Ben-Gvir, i cili është i ekstremit të djathtë , në lidhje me vendin e saj si “të papranueshme për Italinë dhe gjithashtu të padenja për Izraelin”.