Meloni “merr drejtimin” e Evropës: E gatshme të përmirësoj marrëdhëniet SHBA-BE

21 Janar 2025 | 15:24

Kryeministrja italiane Giorgia Meloni deklaroi pas inagurimit të presidentit amerikan Donald Trump se është e gatshme të përmirësojë lidhjet midis Shteteve të Bashkuara të Amerikës dhe Evropës.

Në një mesazh të publikuar në platformën “X” Meloni theksoi se: “Italia do të jetë gjithmonë e përkushtuar për të konsoliduar dialogun midis SHBA-së dhe Evropës, si një shtyllë thelbësore për stabilitetin dhe rritjen e komuniteteve tona.”

Meloni, një nga mbështetëset kryesore të ish-presidentit Donald Trump në Evropë, ka treguar vazhdimisht angazhimin e saj për të ndërtuar ura bashkëpunimi mes administratës Trump dhe Bashkimit Evropian. Ajo ishte një nga liderët botërorë që morën pjesë në ceremoninë e inaugurimit të Trump si president i SHBA-së, duke dëshmuar në këtë mënyrë dhe lidhjet e saj të ngushta me të.

Kryeministrja italiane dhe ish-presidenti Trump darkuan së fundmi në rezidencën Mar-a-Lago në Florida, ku Trump e vlerësoi rolin e Melonit në Evropë.

Ky qëndrim i Melonit vjen në një kohë kur marrëdhëniet SHBA-BE përballen me sfida komplekse, përfshirë çështje të sigurisë globale, ekonomisë dhe klimës. Pozicionimi i saj si një urë lidhëse mund të ndikojë në dinamikat politike midis dy kontinenteve, duke e bërë Italinë një aktor kyç në dialogun transatlantik.

Home Kryefaqja
Shiko në: YouTube
Lajme të Sugjeruara

Tajani: Është SHBA-ja ajo që “duhet ta ndalojë Izraelin” për paqen në LM

Ministri i Jashtëm i Italisë Antonio Tajani tha të martën se Shtetet e Bashkuara janë vendi i pozicionuar më së miri për të ushtruar presion...
22:35 | 03/06/2026

SHBA tërheq trupat nga Lituania

Shtetet e Bashkuara kanë nisur tërheqjen e më shumë se 1 mijë ushtarëve amerikanë dhe pajisjeve ushtarake nga Lituania pas përfundimit të një periudhe dislokimi...
22:33 | 03/06/2026

Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta

Irani thotë se marina e saj shënjestroi një anije detare amerikane që strehonte një “qendër komande dhe kontrolli” ndërsa ajo po i afrohej ujërave territoriale...
22:27 | 03/06/2026