Meloni në mbështetje të Le Pen: Kush beson në demokraci, nuk mund të jetë i lumtur

Kryeministrja italiane, Giorgia Meloni ka dalë në mbështetje të Marine Le Pen, pasi ajo u shpall fajtore me akuzën se ka shpërdoruar fondet e BE-së.

Në një status në rrjete sociale Meloni tha se kush beson në demokraci nuk mund të gëzohet për dënimin e Marine Le Pen.

“Kush beson në demokraci nuk mund të gëzohet për goditjen e një lidere të një partie të madhe dhe që i privon miliona qytetarëve nga përfaqësimin e tyre”, shkruan Meloni në statusin e saj.

Marine Le Pen, udhëhesja e ekstremit të djathtë në Francë, u dënua nga Gjykata e Parisit me 4 vite burg, por ajo nuk do të kalojë asnjë ditë në qeli. Dy vite mund t’i kalojë në liri me kusht dhe dy të tjerë me byzylyk elektronik ndërsa është gjobitur edhe me 100 mijë Euro.

Gjykata i ka ndaluar që për 5 vite që të mbajë poste të larta publike, gjë që e përjashton nga gara presidenciale 2027.

Le Pen akuzohet për shpërdorimin e 3 milionë Eurove, para të cilat dyshohet se ajo i përdori për të paguar stafin e partisë së saj, por që ishin të destinuara për ndihmësit e saj si eurodeputete nga viti 2004 deri ën 2016-ën.

LEXONI GJITHASHTU:

• “Kjo është një çështje shumë e madhe”- Trump reagon për dënimin e Marine Le Pen
• Kërcënimet ndaj gjyqtares që dënoi Marine Le Pen, policia i vendos roje të armatosur
• Çfarë ndodh tani me Marine Le Pen dhe partinë e saj të ekstremit të djathtë?