Memushaj: S’duhet të ndryshojë standardi, por të rishikohen rregullat

Gjuhëtari Rami Memushaj thotë se nuk është e nevojshme të ndryshojë standardi i gjuhës shqipe, por të rishikohen disa rregulla dhe të zbatohen ato ekzistuese.

Në një intervistë për Euronews Albania, profesor Memushaj u shpreh se që nga Kongresi i Drejtshkrimit në 1972 e deri sot gjuha standarde, si varianti themelor i gjuhës, ka përparuar dhe është pasuruar.

Në këto kushte sipas tij, norma drejtshkrimore ka nxjerrë nevojën e përmirësimit të disa rregullave për t’i bërë më të thjeshta.

“Nuk ka nevojë të ndryshojë standardi. Kur flasim për ndryshime, janë pjesë e planifikimit gjuhësor, ku marrin pjesë dy grupe aktorësh; që janë gjuhëtarët dhe pala tjetër institucionet. Gjuhëtarët studiojnë gjuhën, nxjerrin rregullsi, që janë fonetike, sintaksore etj., dhe përfaqësohet te drejtshkrimi. Rregullat duhet të zbatohen dhe në këtë pikë është shteti. Tani ka nevojë për lëmime të disa rregullave dhe problem është studimi i gjuhës, drejtshkrimi është rrjedhojë e saj. Problemi nuk është të ndryshojë standardi, asgjë s’ndryshon”, tha Memushaj.

LEXONI GJITHASHTU:

• Përmend flamurin e NATO-s, Rama ironi në 50 vjetorin e Kongresit të Drejtshkrimit
• Rrokaj: Gjuha Shqipe nuk ka qenë në rrezik as kur nuk kishim shtet