Merr flakë në lëvizje makina në Berat, zjarrfikësja shpëton shoferin

Një makinë tip Skoda është përfshirë nga flakët pranë Stadiumit të vjetër, në lagjen “30-Vjetori” në Berat. Fillimisht është dëgjuar një shpërthim i vogël dhe më pas makina ka marrë flakë.

Në vendngjarje kanë shkuar forca të shumta zjarrfikëse, që fillimisht bën të mundur nxjerrjen pa lëndime nga mjeti të drejtuesit të tij, shtetasit Marsel Hoxha dhe më pas kanë neutralizuar dhe fikur zjarrin, duke mos lejuar përhapjen më tej të flakëve.

Burimet zjarrfikëse në vendngjarje kanë konfirmuar se shkak për zjarrin dyshohet se është bërë rrjedhja e gazit të makinës. Si pasojë e zjarrit është dëmtuar tërësisht pjesa e përparme e mjetit. Në vendngjarje kanë shkuar edhe forca policie, që po kryejnë edhe hetimet në lidhje me ngjarjen.

LEXONI GJITHASHTU:

• Nuk pritej rezultat nga takimi Kurti- Vuçiç, Hitaj: Heshtja e SHBA çelësi dështimit
• Letra Kafkës e vitit 1920 del në ankand/ Çmimi fillestar është 114,000 dollarë