Merr flakë trageti në Filipine, 31 viktima, shumë prej tyre të mbytur

Një traget në Filipine mori flakë dhe të paktën 31 persona humbën jetën, tha sot guvernatori i provincës.

Brenda mjetit lundrues ishin 250 persona, pasagjerë dhe anëtarë të ekuipazhit.

Fillimisht u raportua se të paktën 12 persona kishin vdekur dhe më pas trupat e 18 personave të tjerë u gjetën në kabinat e anijes së djegur.

Shumë prej atyre që shpëtuan u hodhën nga trageti në panik nga intensiteti i zjarrit dhe u tërhoqën nga roja bregdetare, marina, një traget tjetër dhe një peshkatar lokal, tha guvernatori i provincës Basilan Jim Hataman, raportoi AP.

Guvernatori shtoi se shumica e njerëzve në bordin e MV Lady Mary Joy 3 u shpëtuan gjatë natës.

Tre fëmijë ishin në mesin e të vdekurve dhe të paktën 23 pasagjerë u plagosën dhe u dërguan në spitale, shtoi guvernatori.

Shumica e viktimave u mbytën dhe më vonë u gjetën në det, thanë zyrtarët.

LEXONI GJITHASHTU:

• Zjarr në një anije pasagjerësh, 10 të vdekur e 9 të lënduar
• Të shtëna me armë zjarri në Shkodër