Merr zgjidhje problemi i fëmijës autik, Erioni nis terapinë

Erioni, 11-vjeçari nga Korça me autizëm tashmë do të nisë terapinë në qendrën komunitare të qytetit.

Më 2 Prill, në Ditën Ndërkombëtare të Autizmit, Euronews Albania transmetoi problemin e Erionit i cili nuk ishte pranuar nga qendra komunitare për terapi intensive dhe sot ky problem është zgjidhur.

“Pasi kam parë emisionin nga ana e televizionit tuaj kam bërë kontaktet dhe kemi ardhur pranë qendrës komunitare. Fëmija do të fillojë të marre terapinë, rehabilitimin që kërkohej. Falë bashkëpunimit, kemi rastin e parë të fëmijëve të shtyllës që ende marrin transport e rasti sot me autik. Duhet të ketë gjithëpërfshirje,” – u shpreh Etleva Tare, specialiste e zyrës Rajonale të Komisionerit kundër Diskriminimit

E ëma e Erionit, e cila bashkëjetonte çdo ditë jo vetëm me çrregullimin e të birit, por dhe me problemin e integrimit të tij, është më e lumtur se kurrë, që fëmija më në fund do të marrë terapinë që i nevojitet.

LEXONI GJITHASHTU:

• 11-vjeçari me autizëm nuk pranohet në shkollë, shteti indiferent