“Merrni biçikletën”, Fidel Ylli: Shqiptarët rrinë pa bukë dhe blenë makina të mira

Presidenti i KOKSH, Fidel Ylli tha në emisionin Now në Euronews Albania se mania e shqiptarëve për të blerë makina luksi ka habitur gjithmonë të huajt që vijnë në Shqipëri.

Ai këshilloi ata që kanë makina, ta shmangin përdorimin e saj aty ku nuk është nevoja në përditshmëri, e të zgjedhin biçikletën apo të lëvizin me këmbë, pasi në këtë mënyrë do të minimizohet edhe ndotja e ambientit.

“T’i hipin biçikletës dhe makinën ta lënë për një fundjavë kur duan të ikin jashtë Tirane për të lëvizur. Makina nuk është për të dalë nga shtëpia për të ikur në punë, duhet të marrësh rrjetin e urbanit për të shkuar në punë, se Tirana aq është. Shqiptarët janë shumë të lidhur me makinat. Shumë të huaj që ndër vite na kanë ardhur thonë; si ka mundësi që kaq makina të mira ka ky vend që është kaq i varfër se shqiptarët investojnë shumë, rrinë pa bukë dhe makinën e duan të mirë”, tha Ylli.

LEXONI GJITHASHTU:

• Fidel Ylli zbulon pasionin: Jam anëtar i klubit të Ferrarit, paguaj 4 mijë $ në vit
• Vettel nuk e ka harruar ende Botërorin F1